افيهات – كل ما هو هام من افيهات الأفلام – كتكوت – الجزء الخامس
05/07 02:39
SupeRagel 10 ساعات مضت BuzzRamet اضف تعليق 20 زيارة
لما حد بيخض حد بهزار سواء بحركة او خبر اتقال و بعد ما الخضة تخلص اللي عملها بيقول:
ده من اشهر افيهات فيلم كتكوت اللي نزل في السينمات في ٢٠٠٦. اصل الافيه لما كان محمد سعد بيتعلم السباحة عشان العملية اللي هيعملها و كان حسن حسن حسني قاعد بيتابع التدريب بتاعه، فمحمد سعد طول في وقت الغطس و حسن حسني استغرب بعدين كتكوت طلعله فجأة من تحت الميا و خضه بعدين قاله انت اتخضيييت عليا الطلاج بالتلاته انت اتخضيت يا حاچ كامل.من ساعة ما الفيلم ده تزل و مثلا حد يجيله هبوط و يبقي عايز يشرب حاجة و مش عارف هو عايز ايه لايزم بيلاقي اللي هيقوله:
محمد سعد قال الافيه ده لما كان خلاص بقي حولوه من شخصية كتكوت ليوسف خوري و تقمص خلاص الشخصية و بتاع دخلوه عن طريق المستشفي و كان نايم علي نفسه علي الاخر و لما صحي و ادرك اللي هو فيه و اللي المفروض يعمله و عدل الباروكه لقي الممرضة جنبه فكان عايز يوزعها فقالها “بليز ممكن شاي بالبسكويتس عشان عندي هبوطس”.
انا دايما بقول الافيه ده لما اقول لحد من اخواتي او صحابي يلا نخرج و يقولي مش فاضي او معندوش وقت اللي هو يعني ايه مش فاضي لامؤاخذه يعني! او لما تتقالي عموما علي غير الخروج حتي قال مش فاضي وراك الديوان يا خي! المشهد ده في الفيلم بيموتني ضحك جدا، كان لما هو و البنت اللي تبع العصابة المفروض انهم مخطوفين سوا فبدء يتكلم معاها فقالها هو انتِ مربوطة ؟ قالتله يعني ايه مربوطة ؟ قالها يعني فيه حد رابطك افشك بكلمة ؟ ماسك عليكي ذلة فانتِ مرطبطة بيه ؟ قالت لا معنديش وقت فقالها هو انا بقولك اجري فزبة.
دايما لما بلاقي حد من صحابي متضايق او زعلان او زهقان او حاجة من الحاجات دي كلها بلاقي نفسي تلقائي كده بقوله روق و زقطط يا كتكوت و ان شاء الله خير يعني. الافه ده قاله غريب لكتكوت في اللقطة لما كانوا قاعدين في الخص بيشوفوا هيعملوا ايه عشان الطار (ثأر) اللي علي كتكوت من عيلة الفخايده، فكان غريب بيحاول يهديه.
ده دايما بيتقال لما حد مابيرفش يعوم و ينط نطة غريبة و غالباً بتبقي فيها شئ من الكوميديا في الأداء بتاعها و شكلها. حسن حسني لما قال الافيه ده مع تعبيرات وشه و طريقته المميزة دايما اللي مالهاش منافس، دايما بيقتلني ضحك. عن نفسي دايما بشوف ان حسن حسني ده حاجة كده لوحدها ماينفعش تتقارن بحد ليه رونقه الخاص و أدائه المبهر في إلقاء الكوميديا علي الناس.
لازم امشي دلوقتي عشان عايز اشرب شاي بالبسكويتس..
الوسومافلام افيهات افيهات افلام محمد سعد
