أحمد عفيفي يكتب إلهام شاهين «شبشب زنوبة» وصابرين «مفعول بها»
06/26 13:59
بمجرد ان نطق المستشار فاروق سلطان واعلن : مرسي رئيسا للجمهوريه بكيت وابتسامتي تملا وجهي ، فسالني زميل : للدرجه فرحان بنجاح مرسي ؟ فقلت له : للدرجه فرحان بسقوط شفيق .. وان الثوره قطفت الان فقط اولي ثمارها ، ليس بمجيء مرسي ، ولكن برحيل شفيق الي غير رجعه هو ونظامه القديم .. مجرد شمعه اضاءت وسط ظلام دامس لا يزال يهيمن حتي هذه اللحظه علي جوانب الصوره.
سبقتني العزيزه جدا دعاء سلطان في مقال رائع " في اصول الردح " واتصلت بها علي الفور احييها علي جدعنتها والتقاطها الذكي لمداخلات فنانين وفنانات قبل اعلان النتيجه بيوم واحد مع " مقطفين " من مقاطف الفضائيات .. مصطفي " بدري " وتوفيق عكاشه.. وكنت انوي الكتابه في نفس الموضوع ، غير ان انفعالي بعد اعلان فوز مرسي سرق تركيزي ، ففضلت الصمت اللحظي حتي استطيع تناول نفس موضوع دعاء ، ولكن باضافات وانطباعات جديده.
وبدايه اقول ان المثل الذي نقوله دائما " علم في المتبلم يصبح ناسي " ينطبق علي كثيرمن لا اقول اعلامي ولكن مقاطف وقفف الفضائيات ، واذكر منهم حسبما صادفني مصطفي بدري وتيفه .. وعدت بالذاكره لسنتين الا شويه قبل ان يتنحي مبارك وتحديدا بعد خطابه الذي قال فيه انه عاش في مصر وسيواري جثمانه تراب مصر " ياحنيين " .. وبعده مباشره انطلقت الفضائيات الماجوره والتليفزيون المصري بالقطع ، وهاتك يا مداخلات من حسن افندي يوسف وزوجته الحاجه شمس وعفاف شعيب وسماح انور وروجينا وجوزها الافندي بتاع نقابه الممثلين ، وهاتك يا نهنهه وسحيّ يادموع علي الراجل الكبير اللي احنا عايزين نهينه .. وعيب كده .. ده ابونا وامنا .. مش ممكن نعمل فيه كده ، وبعدها بلحظات كما هو مُرتب ومُعد له ، نزلت مظاهره مصطفي محمود بالفنانين المشخصاتيه ولعيبه الكوره اللي التخين فيهم معلوماته لا تساوي معلومات واحد معاه اعداديه وحصل اللي كلنا شفناه وعشناه.
.. بالمللي .. كانك بترجّع الشريط من اوله حدث قبل اعلان النتيجه بيوم .. قال ايه يا سيدي الست الهام شاهين الممثله بتاعت " سوق المتعه " اتصلت بالفراعين وقالت لتيفه عكاشه انت اعظم واحد في مصر .. وانت اثبت للدنيا كلها انك مصري بجد ، وانها مش ممكن تفوّت حلقه من حلقات البيه المقطف والدلدوله بتاعته حياه ، ولو حصل غصب عنها نتيجه انشغالها بالتصوير ان فاتتها حلقه من حلقات الافندي ، تتصل بزميل او زميله حتي يمدها بها عشان لو مر يوم من غير ما تتفرج علي تيفه مينحسبش من عمرها.
ياتك ستين نيله انتي وهو في يوم واحد .. عشان كده يا ست الهام شبهتك بـ " شبشب زنوبه " .. وبيني وبينك انا مش عارف ليه اسمه زنوبه .. هل كانت صباح مثلا بتلبسه وهي بتغني " زنوبه .. حلوه وخفه وحبوبه " فتمت تسميه الشبشب نسبه الي صباح ؟ يمكن .. المهم .. الشبشب بنلبسه عشان يشيل وساخات الارض ويحمي رجلينا منها .. وانتي بالضبط كده .. مجرد شبشب نلبسه ولما يتوسخ او يتقطع او ريحته تبقي معفنه نرميه ونجيب شبشب غيره .. فازاي يا ست هانم يا فنانه يا كبيره ترضي لنفسك تبقي شبشب في رجل مقطف زي توفيق عكاشه .. وبذمتك مش مكسوفه من نفسك وانت بتقولي له : انت اعظم واحد في مصر وان دفاعك عن المجلس العسكري من منطلق وطنيه ومحبه خالصه لتراب البلد ، وان لولاك ماكناش عرفنا المستخبي .. حقيقي حقيقي انا فخوره بان في مصر واحد زي حضرتك .. كل ده بعد مليونيه المنصة اللي كانت ناقصه واحده زيك تنزل وترقص عشره بلدي وتغني في حب شفيق.
نيجي بقي علي صابرين هانم وعشان متفهمش عنواني غلط اقول لها .. اعرب ما تحته خط : اكل احمد التفاحه .. اكل فعل ماضي .. واحمد فاعل .. والتفاحه مفعول به .. مش كده ولا انا غلطان .. طيب ليه التفاحه مفعول به؟ .. لانها لا تملك من امرها شيئا .. لا تستطيع ان تمنع احمد من اكلها .. حتتاكل حتتاكل .. مش بمزاجها .. وانت يا ست صابرين يا اجهل من دابه تمشي علي اربع مفعول به .. بمعني عايزينك تقولي كلمتين حلوين علي شفيق .. من عنيه .. وكلمتين زيهم علي المجلس العسكري .. تؤمر امر .. وقبلها لو كنت ناسيه قلت في مبارك نفس الكلام بتاع خالتك عفاف شعيب واختك سماح انور .. انتوا ايه .. مجرد اراجوزات .. بغبغانات .. مالكوش اي قيمه .. للدرجه دي " دلاديل " .. مفيش حد عنده مخ بتلاته تعريفه يوزن الامور صح .. وميرضاش لنفسه يبقي مفعول به دايما.
وتسيبي يا ستي صابرين مصطفى بكري بعد كلمتين معفنين .. وتروحي علي الفراعين ومداخله خايبه مع واحده اخيب منك وتقولي لحياه الدرديري : انا فخوره ان في مصر واحده زيك يا حياه .. داهيه تاخدك انتي وهي وتريحنا من وشوشكم العفشه.
للدرجه دي التمثيل طلع مجرد حرفه زي مهنه الميكانيكي .. الاول استاذ في صنعته .. وانت استاذه في صنعتك .. تبقي اشرف واحده في الدنيا ، وتعملي دور واحده " مومس " ، كانك نازله من بطن امك عاهره .. انما مخك فيه ايه ؟ .. بطاطس وزلابيه ودبان وصراصير .. مجرد واحده شاطره في التقمص والتشخيص ولكن الدماغ فاضيه ، الا من العته والتخلف العقلي .. وتخليكي جاهزه لواحد زي مصطفي بدري او توفيق عكاشه او الدرديري .. عايزينك تعملي دور واحده خايفه ع البلد وتشكري في الفريق شفيق والمشير طنطاوى .. فبسرعه ومن غير ماكياج تطلعي زي الهبله وترددي ما املوه عليك.
عموما .. تيفه اللي قال لك قولي ع المجلس العسكري انه احسن مجلس في العالم ، انقلب عليه واتهمه انه باع البلد للاخوان وقال بعضمه لسانه ، ان هو شخصيا طلبوا منه يجيب واحده زيك وزي شبشب زنوبه اختك الهام تقولوا البقين اللي عايزكم تقولوهم ، واتضح لتيفه في الاخر انه المجلس كان بيمرجحه وبيلعب بيه الكوره.
