7 حيل هتساعدك تنامي بسرعة - بنات حوا
10/25 04:11
فوايد النوم بتوصل لابعد من انها بتديكي فترة من الراحة ، النوم جزء حيوي جدا من وظيفة المناعة الصحية, التمثيل الغذائي, الذاكرة, والتعلم وغيرها من الوظائف ، ممكن كمان يساعدك على انقاص وزنك وتقوية قلبك ، وبالتالي اكيد النوم حاجة لازم تنتبهي لها كويس وتتأكدي انك بتاخدي عدد ساعات نوم كفاية ، والنهاردة من خلال موضوعنا عشان نساعدك انك تنامي كفاية وتحافظي على صحتك ، هنشارك معاكم 7 حيل هتساعدك تنامي بسرعة ، والتخلص من الارق.
لو عايزة تنامي خلال دقيقتين ، الطريقة العسكرية اكيد تستحق المحاولة ، الموضوع ممكن يحتاج شوية ممارسة ، ولكن النتيجة تستحق ، سهل جدا تنفيذ الطريقة العسكرية ، مع التدريب والتكرار ، هتبقي محترفة فيها ، اللي هتعمليه:
– ارخي وجهك بالكامل وعضلات الفم.
– ارخي الكتفين والايد للتخلص من التوتر.
– خرجي زفير وارخي صدرك, الساقين, الفخدين ، جسمك بالكامل يكون في حالة استرخاء.
اثبتت الدراسات ان التأمل من الطرق الفعالة للتخلص من الارق ، والاحساس بتعب اقل اثناء فترة النهار ، التأمل بيحسن استجابتنا للاسترخاء ، وده هيمنع التوتر والقلق ، وممكن يبقى مفيد كمان لجهازنا العصبي اللاارادي ، وده هيخليكي تنامي نوم عميق متواصل من غير ما تقلقي في نص الليل.
الابحاث اثبتت ان لو رجلك باردة ، ده بيخلي الاوعية الدموية تنقبض ، وده هيأدي لدوران كمية اقل من الدم ، وارسال اشارات لمخك انك تفضلي صاحية ، وبالتالي هنا الشراب هيبقى الحل المثالي ليكي ، وهتوصل اشارات لعقلك ان وقت النوم جيه.
